BCDA Law, Subic Leadership and Impeachment Interview Transcript -9/7/2005

ON BCDA HEARING

INTERVIEWER: Sir, update sa hearing on the Bases Conversion & Development Authority.

GORDON: We will now have a technical working group na magtatrabaho para maibalik kaagad ‘yung incentives ng mga investors. At ang nakikita namin nina Sen Enrile ay dapat gumawa ng bill na magkakaroon ng tax amnesty dahil medyo may kalabuan nga naman yung nangyari. Ang Subic lang talaga ang Freeport eh binigyan ang Clark so may babayaran silang tax doon dapat. Tapos yung special economic zone status sa Subic ay ibinigay din sa Clark pero hindi malinaw kung ano ‘yun. Nakalagay yun PD 66 na ginawa yung Mariveles noong araw, kaya kailangan ay malinawan iyan at gumawa na lang ng “catch-all law” na hopefully magiging amnesty, magkakaroon ng tax amnesty para doon sa mga investors na pumasok d’yan para hindi na sila magbayad ng mga penalties at past due taxes. Pero they will be liable sa duties.

INTERVIEWER: Pero kailangan bang i-redefine yung existing law, kung ano ang free port ano ang special economic zone…?

GORDON: Malinaw yung Freeport ang problema ay yung pagkakabigay ng nakaraang presidente nang insentibo na hindi dapat ibigay doon sa isa (special economic zones).

INTERVIEWER: Sir, when did the Supreme Court allow the tax incentives?

GORDON: The motion for reconsideration was denied (John Hay Peoples Alternative Coalition et al vs. Lim et al & Coconut Oil Refiners Inc et al vs Torres et al on the grant of incentives to investors in the special economic zones created under RA 7227) just about a couple of weeks ago. Kaya minamadali namin itong batas na ito, pati si Sen. Recto ay naglagay ng resolusyon nakita niya na hindi uubra ‘yun resolution kaya ang kailangan ay batas. Madali akong mag-file ng bill at tumawag na kaagad ako ng hearing at tatapusin ko ito during the recess para sa ganoon ay maipasok ito sa Sept.19 on second reading para makabawi na ‘yun mga investors at hindi na umalis sa atin.

INTERVIEWER: What is the deadline for coming up with the new law to at least remedy the alarm caused to investors who might now be thinking of pulling out of the country?

GORDON: Well, I am more concerned not with the bank taxes dahil ‘yun maka-quantify mo ‘yon. I am more concerned with what reputation we will create -- that we proclaim na merong tax incentives and later on find out na magiging unconstitutional nanaman, magiging invalid. So, doon ako concerned, baka hindi tayo puntahan ng investors. Nais kong ipaalam sa lahat na ang hirap mag-compete ngayon sa China dahil malaki ang kanilang merkado (market). Kailangan madaling magnegosyo sa ating bayan at hindi pabago-bago ang desisyon natin.

INTERVIEWER:Amnesty na ba ito sir?

GORDON: Mukhang ganoon ang susubukan namin, amnesty dahil pagkakamali ng gobyerno iyan. Hindi naman nila (investors) kasalanan—ang may kasalanan dito ay ‘yung nag-issue nito.

ON SUBIC LEADERSHIP

INTERVIEWER: Sir ano ang comment ninyo sa mga nangyayari sa Subic?

GORDON: Unang-una ang ini-recommend ko ay si Inky Reyes. Pangalawa, wala pa namang appointment si Armand Arreza. Napaka- unfair, he is still working with the American Insurance Group (AIG). If Antonio will remain, I have no problems with that. Hindi ko naman pinapaalis si Licuanan. Hindi ko naman pinapaalis si Antonio. Pero kung papalitan sila, ang gusto ko sana naman ay ‘yung nagsakripisyo, nagvolunteer at tumaya na d’yan sa Subic. May degree na siya na mataas, abogado siya, may Wharton degree siya at alam niya kung ano talaga ang vision ng Subic at kung ano talaga ang malasakit na kailangan sa Subic.

INTERVIEWER: What can you say about the two separate positions in SBMA – Chairman and Administrator?

GORDON: Magulo kaya hindi dapat dalawang posisyon. Katulad noong panahon ko, ang position ng chairman at administrator ay isa lang talaga ang humahawak. Iyon ang nasa batas at sa tingin ko hindi dapat na hatiin yun.

ON IMPEACHMENT ISSUE

INTERVIWER: Comment sir kahapon sa impeachment.

GORDON: Nakita naman natin na medyo kapos sa suporta ng tao ang kanilang minimithi. Ang pakiusap ko lang ay pagtuunan natin ng pansin ang mas malalaking problemang papasok sa ating bayan. (1) ‘Yang nangyari sa gulf state ay tataas ang halaga ng langis. (2) Mayroon pa tayong E-VAT na papasok. Mahihirapan ang tayo. (3) Kailangan natin ng mga hanapbuhay dito sa ating bansa. Kung ang aatupagin natin ay hidwaan gayung pwede namang i-file yun kaso sa Supreme Court kung may kaso sila, kung pumalpak sa impeachment o di kaya naman ay makuha sa isang Truth Commission kung ‘yun ang gusto nila.

Mas magandang mag-concentrate muna tayo dito sa mga pangangailangan ng bayan sapagkat napagiwanan na nga tayo at lalo pa tayong mapag-iiwanan. Mahihirapan ang taumbayan kung walang malinaw na pamumuno ang ating presidente, Kongreso at lahat ng kawani ng gobyerno. So it is important that we focus on the problem at hand.

INTERVIEWER: Sir, saang forum pa pwedeng dalhin ng mga taong naghahanap pa rin ng sagot sa mga akusasyon kay PGMA?

GORDON: Well, una may Truth Commission na pwede d’yan. Katulad halimbawa ng nangyari kay Pres. Clinton, lumakas pa ang ekonomiya ng America inspite of the impeachment. If they have cases to file against the President for criminal offenses, again you have impeachment next year kung gusto nila. So ang pakiusap ko lang, ‘yung national interest ang palaging dapat na isipin natin. Alamin natin kung ano ang makakabuti sa pangkalahatan kung tayo ay magko-concentrate sa investment. Katulad ng nangyari dito sa Clark, problema na naman iyan kung mag-alis ang mga taga-Clark ay marami na naman ang walang trabaho. Kaya pinipilit namin na ma-approve ‘yung bill kahit na recess. Ilalabas na rin namin yung Tourism Bill at yung Senate Bill 3-2-1 para magkaroon ng hanapbuhay doon sa Central at Northern Luzon. Kailangan nating i-promote ang bansa para pumasok ang hanapbuhay. Ang kailangan natin ngayon ay trabaho at hanapbuhay.

INTERVIEWER: Sir ano ang reaksyon ninyo sa signature campaign to oust GMA?

GORDON: Well, they can do everything that they want. Pero kung nakita mo ‘yung ipinakitang suporta kahapon medyo madi-disappoint ka. Ang akala ko malaki pero hindi naman umabot sa ganoon. Noong panahon ni Erap talagang malaki. Sa tingin ko hindi kasi malinaw sa tao kung ano ang pinag-aawayan. It is really an elites’ fight. It is really a fight for power.

INTERVIEWER:Not fight for truth?

GORDON: Well truth is always the casualty in politics. Pero sa akin ang mahalaga ay kabuhayan. I mean, all my life, noong pinaalis ang Amerikano sa Subic nataranta talaga kami, sinabayan pa ng Pinatubo. Pero nang mag-focus kami sa kabuhayan ay umangat kami. Siguro kung magfo-fucos tayo sa kabuhayan instead of politics ay aangat tayo.